აზოტოვანი ჯგუფის მინერალური სასუქებიდან ამონიუმის გვარჯილა უნივერსალური, მაღალკონცენტრირებული აზოტოვანი სასუქია. მასში ძირითადი მკვებავი ელემენტი აზოტია, რომლის შემცველობაც პროდუქტში მინიმუმ 34,4 % -ია, აქედან 17,2 % აზოტს იგი შეიცავს ნიტრატული და ასევე 17,2 % აზოტს ამიაკური ფორმით. ეფექტურობის მხრივ მას პირველი ადგილი უჭირავს აზოტოვან სასუქებს შორის, რადგანაც იგი გამოიყენება ყველანაირი ტიპის ნიადაგებისათვის და სასოფლო - სამეურნეო კულტურების უმეტესობისათვის, როგორც ძირითადი, ასევე თესვისწინა და დამატებითი კვების უზრუნველყოფის მიზნით. ამონიუმის გვარჯილის სწორი დოზირებით მოსავლის რაოდენობა იზრდება 35 – 38 % -ით, ხოლო ნიადაგში აზოტის დეფიციტი განაპირობებს მცენარის განვითარების შეჩერებას და დაბალ მოსავლიანობას.